Qytaı Eýropanyń alty eline vızasyz rejım engizedi

<p>BEIJІŃ. KAZINFORM &ndash; Qytaı bıligi Eýropanyń alty eliniń azamattary úshin birjaqty vızasyz rejım engizbek.&nbsp; Bul týraly QHR Syrtqy ister mınıstri Van I 14-shi Búkilqytaılyq halyq ókilderi jınalysynyń ekinshi sessııasy aıasynda ótken baspasóz máslıhatynda málim etti.</p>

«14 naýryzdan bastap Qytaı Shveıtsarııa, Irlandııa, Vengrııa, Aýstrııa, Belgııa jáne Lıýksembýrgke synaqtyq vızasyz rejım engizedi», - dedi Van I.

Onyń aıtýynsha, Qytaı qytaılyq jáne sheteldik qyzmetkerler almasýdy jeńildetý, onyń ishinde tólem qyzmetteriniń sanyn kóbeıtý boıynsha bastamalar kóterýdi jalǵastyrady.

Buǵan deıin Qytaı bıligi 2023 jyldyń 1 jeltoqsanynan bastap Eýroodaqqa múshe bes memleket: Ispanııa, Italııa, Nıderland, Frantsııa jáne Germanııa azamattary úshin birjaqty vızasyz rejım engizgen bolatyn.