Qytaı eski kólikter men turmystyq tehnıkany jańasyna aıyrbastaý baǵdarlamasyn qolǵa aldy
— Bıyl tutynýdy yntalandyrýdyń taǵy eki negizgi mindeti bar, olardyń biri — avtomobılderdi, turmystyq tehnıkany, úı men as úı jıhazdaryn jáne basqa da tutyný taýarlaryn jańalaryna aıyrbastaý, al ekinshisi — qyzmetterdi tutynýdy yntalandyrý, - dedi Van Ventao.
Onyń aıtýynsha, Qytaıdyń avtomobıl, turmystyq tehnıka jáne úı jıhazdary naryǵy óte úlken, biraq ónimderdiń aıtarlyqtaı bóligi qazirdiń ózinde eskirge. Bul joǵary energııa tutynýǵa jáne aıtarlyqtaı shyǵaryndylarǵa ákeledi. Sonymen qatar bul ónimderdiń keıbireýleri uzaq ýaqyt paıdalaný saldarynan qaýipsizdikke qaýip tóndiredi.
2013-2023 jyldar aralyǵynda turǵyndardyń jan basyna shaqqandaǵy qyzmetterdi tutyný shyǵyny 39,7-den 45,2%-ǵa deıin ósti.
2023 jyly Qytaıdaǵy jańa kólikterdiń satylymy alǵash ret 30 mıllıon birlikten asty, bul ótken jylmen salystyrǵanda 12%-ǵa artyq. Eldegi eski kólik saýdasynyń kólemi 18,41 mıllıon danaǵa (+15%) jetti.
Qytaıdaǵy kólik ıeleriniń sany 340 mıllıonǵa jetti, bul kórsetkish boıynsha Qytaı álemde birinshi orynda tur.
Tońazytqysh, kir jýǵysh mashınalar jáne kondıtsıoner sııaqty turmystyq tehnıkanyń negizgi sanattarynyń sany 3 mıllıard birlikten asady. Saýda mınıstrliginiń málimetinshe, keıbir turmystyq tehnıka 10-20 jyldan astam qoldanysta bolǵan.
Buǵan deıin Qytaı Halyq Respýblıkasynyń Saýda mınıstrligi 2024 jyldy «Tutynýdy yntalandyrý jyly» dep jarııalaýdy usynǵan bolatyn.