Qytaı bıligi TikTok-ty Ilon Maskke satýy múmkin

<p>ASTANA. KAZINFORM - Qytaı úkimeti AQSh-ta qosymshaǵa tyıym salynbaýy úshin TikTok-tyń amerıkalyq bólimshesin mıllıarder Ilon Maskke satý josparyn qarastyryp jatyr, dep habarlaıdy <a href="https://www.cnbc.com/2025/01/13/china-considers-selling-tiktok-us-operations-to-musk-bloomberg-.html" target="_blank" rel="noopener">CNBC.</a></p>

Bloomberg-tiń málimetinshe, josparǵa sáıkes Ilon Mask X sııaqty TikTok-tyń da AQSh-taǵy bıznesin baqylaıdy. Alaıda, Qytaı úkimetiniń sheneýnikteri munyń júzege asatynyn áli sheshken joq. Óıtkeni bul sheshim — Qytaı qarastyryp jatqan birneshe nusqanyń biri.

TikTok-tyń zańgerlik toby bul zań mıllıondaǵan amerıkalyq qoldanýshylardyń sóz bostandyǵy quqyǵyn buzady dep sendirse, AQSh úkimeti TikTok-tyń qytaılyq ByteDance kompanııasyna tıesili bolýy ulttyq qaýipsizdikke qater tóndiredi dep málimdedi. Joǵarǵy sot Amerıka úkimetiniń jaǵynda boldy dep boljanyp otyr. 

Budan buryn habarlanǵandaı, Tramptyń bas advokattyqqa usynǵan kandıdaty Djon Saýer jańa prezıdent qyzmetine kiriskennen keıin sheshim qabyldaýy úshin sottan TikTok isin toqtata turýdy suraǵan.

Donald Tramptyń TikTok-qa qatysty rıtorıkasy 2024 jyldyń aqpanynda mıllıarder Djeff ıAsspen kezdeskennen keıin ózgere bastady, respýblıkashyl megadonor jáne ByteDance-tiń iri ınvestory, sonymen birge Tramptyń Truth Social-taǵy úlesi bar.