Qytaı bazalyq nesıe mólsherlemesin tómendetti

<p>ASTANA. KAZINFORM &ndash; Dúısenbide Qytaı bazalyq mólsherlemelerin 25 bazıstik tarmaqqa tómendetti. Qarjy sarapshylarynyń atap ótýinshe, bul shara Qytaı ekonomıkasynyń ósýine yqpal etedi, dep habarlaıdy Kazinform agenttiginiń <a href="https://www.inform.kz/ru/kitay-snizhaet-bazovie-stavki-po-kreditam-a7ac78" target="_blank" rel="noopener">menshikti tilshisi.</a></p>

Ulttyq bankaralyq qarjylandyrý ortalyǵynyń málimetinshe, bir jyl merzimge bazalyq mólsherleme (LPR) 3,1%-ǵa deıin (buryn 3,35%), al bes jyldan astam merzimge bazalyq mólsherleme 3,6%-ǵa deıin (buryn 3,85%) tómendetildi.

Bul tómendeý bıylǵy úshinshi jáne eń mańyzdysy boldy.

«Mólsherlemeni túzetý damý boıynsha birqatar joǵary sapaly sharalarymen birge tutastaı alǵanda ekonomıkanyń turaqty ósýine yqpal etedi», - dep keltirdi Global Times Shanhaıdaǵy E-house China zertteý ınstıtýtynyń vıtse-prezıdenti ıAn ıÝetszınniń sózderin.

Onyń pikirinshe, jyljymaıtyn múlik sektory úshin mólsherlemeniń tómendeýi baspana qunyn aıtarlyqtaı tómendetip, aı saıynǵy tólemderge qysymdy azaıtady.

Buǵan deıin Qytaı Halyq banki (Ortalyq bank) ekonomıkany yntalandyrý boıynsha birqatar jańa shara, sonyń ishinde burynnan bar úılerdegi ıpotekalyq nesıe mólsherlemelerin tómendetýdi jáne qor naryǵyn qoldaýdyń jańa quraldaryn engizýdi josparlap otyrǵanyn habarlaǵan bolatyn.

Eske sala ketsek, Qytaıda alǵashqy 3 toqsanda jańa banktik nesıelendirý kólemi 2,2 trln dollardan asty.