Qytaı bankiniń burynǵy menedjeri sybaılas jemqorlyq úshin ómir boıyna bas bostandyǵynan aıyryldy

<p>1993-2001 jyldar aralyǵynda Qytaı banki fılıalynyń basshysy bolǵan Sıýı Gotszıýnge Qytaıdaǵy eń iri sybaılas jemqorlyq isine qatysty&nbsp; 2,3 mlrd ıýan&nbsp; (325 mln dollar) jymqyrdy degen aıyp taǵylyp, ómir boıyna bas bostandyǵynan aıyryldy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.bbc.com/news/business-67724241" target="_blank" rel="noopener">VVS</a> jańalyqtaryna silteme jasap habarlaıdy.&nbsp;</p>

Sot málimdemesine sáıkes, Sıýı jáne Qytaı bankiniń taǵy eki qyzmetkeri amalyn taýyp jalǵan nesıe alǵan. Eki sybaılasy buǵan deıin 12 jáne 13 jylǵa bas bostandyǵynan aıyrylǵan.

2001 jyly AQSh-qa qashyp ketken Sıýı eki jyl buryn eline kúshtep qaıtaryldy. Ol sot úkimine shaǵymdanbaıtynyn aıtty. Sonymen qatar onyń bar múlki tárkilendi. Jergilikti BAQ-tyń habarlaýynsha, qazirgi ýaqytta urlanǵan aqshanyń 2 mlrd. ıýannan astamy óndirilgen.

Bup prezıdent Sı Tszınpınniń qarjy sektoryndaǵy sybaılas jemqorlyqqa qarsy naýqanyndaǵy sońǵy jańalyq. Memlekettik bankterdiń basqa da joǵary laýazymdy qyzmetkerleri aıyppul tólep, qamaýǵa alyndy nemese tergelip jatyr.

Qazan aıynda Qytaı bankiniń burynǵy tóraǵasy Lıý Lıange para aldy jáne zańsyz nesıe aldy degen kúdikpen qamaýǵa alyndy. China Life Insurance kompanııasynyń burynǵy tóraǵasy Van Bın qyrkúıekte ómir boıyna bas bostandyǵynan aıyryldy. Ol da sybaılas jemqorlyqqa kináli dep tanyldy.