Qytaı Aıdyń arǵy jaǵyn zertteýge arnalǵan zondty iske qosty

<p>ASTANA. KAZINFORM &ndash; Qytaı &laquo;Chane-6&raquo; ǵarysh mıssııasynyń ushyrylǵanyn jarııalady. Onyń aıasynda keıingi zertteýler úshin Aıdyń az zerttelgen jaǵynan alǵash ret topyraq jınalady, dep habarlaıdy <a href="https://ru.euronews.com/next/2024/05/03/china-lunar-probe" target="_blank" rel="noopener">Euronews</a>.&nbsp;</p>

Qytaı Aıdyń arǵy jaǵyna qonyp, onyń betinen topyraq úlgilerin jınaýy kerek zondty iske qosty. 53 kúndik mıssııa ǵaryshty ıgerý tarıhynda alǵash ret oryndalyp otyr.

«Chane-6» zondy bar zymyran tasyǵysh Haınan aralyndaǵy «Venchan» spýtnıktik ushyrý ortalyǵynan juma kúni shyǵys Eýropa ýaqytymen saǵat 17:27-de ushyryldy.

Josparǵa sáıkes, ǵarysh apparaty Aı orbıtasyna jetip, sodan keıin onyń qoný modýli Ońtústik polıýs-Eıtken basseınine qonady. Bul – Aıdyń Jerden eshqashan kórinbeıtin jáne az zerttelgen alys jaǵy.

«Chane-6» burǵylaý qondyrǵysy men robottandyrylǵan shómish qurylǵysynyń kómegimen shamamen 2 kılogramm topyraq jınaýy tıis. Úlgiler arnaıy konteınerlerge salynady. Modýl onymen birge áýeli orbıtalyq apparatqa, sodan keıin Jerge oralady. Apparat jeltoqsan aıynyń ortasynda Qytaıdyń soltústigindegi Іshki Mońǵolııa aımaǵyna qonady dep shamalanyp otyr. 

QHR bul mıssııany Frantsııa, Italııa jáne Eýropalyq ǵarysh agenttigimen, sondaı-aq «Chane-6» úshin óz jabdyqtaryn usynǵan Shvetsııamen birlesip júrgizedi.

Sondaı-aq onyń bortynda pákistandyq shaǵyn jerserigi bar.