Qytaı aýstralııalyq jazýshyny ólim jazasyna kesti

<p>ASTANA. KAZINFORM &ndash; Beıjiń soty Qytaıda tutqyndalǵan aýstralııalyq jazýshy ıAn Hentszıýndy tyńshylyq jasady dep aıyptap, shartty túrde ólim jazasyna kesti. Bul týraly Aýstralııa syrtqy ister mınıstri Pennı Vong málimdedi, dep habarlaıdy <a href="https://www.sbs.com.au/news/article/detained-australian-writer-yang-hengjun-handed-suspended-death-sentence-by-chinese-court/twjycxica" target="_blank" rel="noopener">SBS</a> telearnasy.</p>

«Bul sheshim Aýstralııa úkimetin shoshytty», - dedi Vong Kanberrada jýrnalısterge.

Onyń aıtýynsha, eger ıAn osy ýaqyt ishinde aýyr qylmys jasamasa, ólim jazasy eki jyldan keıin ómir boıy bas bostandyǵynan aıyrý jazasyna aýystyrylady.

Aıta keteıik, Hentszıýn Qytaıda dúnıege kelgen jáne Aýstralııa azamattyǵyna ıe. 2019 jyly qamaýǵa alynǵanǵa deıin ol Nıý-Iorkte jumys istegen. Ol Gýanchjoý áýejaıynda qamaýǵa alynyp, oǵan tyńshylyq jasady degen aıyp taǵyldy. Qytaı bıligi isti egjeı-tegjeıli jarııalamady, taǵylǵan aıyptyń anyq-qanyǵy áli belgisiz.

Jazýshy bul aıyptaýlardy joqqa shyǵardy. Onyń otbasy jazýshynyń qamaýǵa alynǵannan beri densaýlyǵynyń nasharlaǵanyn aıtyp, Qytaı bıligin ony «azaptaýda» dep aıyptaıdy.

Akademık, bloger jáne jazýshy ıAn Hentszıýn Qytaı úkimetin adam quqyǵyn buzyp otyr dep synady.

Aýstralııanyń Qytaıdaǵy elshisi buǵan deıin Pekındi jazýshyny óz betinshe qamaýǵa aldy dep aıyptaǵan, onyń jaqtastary muny «saıası astarly qýdalaý» dep ataǵan.

«Qytaı úkimeti ony Qytaıdaǵy adam quqyqtarynyń buzylýyn synaǵany jáne adam quqyǵy, demokratııa jáne zań ústemdigi sııaqty jalpyadamzattyq qundylyqtardy qorǵaǵany úshin jazalap otyr», - dedi onyń dosy, Sıdneıde turatyn akademık Feng Chongı.

Avstralııa premer-mınıstri Entonı Albaneze iri saýda seriktesteri arasyndaǵy qarym-qatynastardy jaqsartý úshin qarasha aıynda Qytaıǵa barǵan jeti jyldaǵy alǵashqy avstralııalyq kóshbasshy boldy.

Birneshe jyldar boıy Beıjiń men Kanberra arasyndaǵy qarym-qatynas saýda daýymen, kıbershabýyldar týraly aıyptaýlarmen jáne Aýstralııanyń COVID-19 vırýsynyń shyǵý tegin halyqaralyq tergeýdi talap etýimen buzylǵan.