Qytaı astanasynda er adam balalarǵa pyshaqpen shabýyl jasady
15:45, 28 Qazan 2024
<p>ASTANA. KAZINFORM - Qytaıda eresek adamnyń balaǵa pyshaqpen shabýyl jasaýynyń taǵy bir sumdyq oqıǵasy boldy.</p>
Gonkongtyń singdao.com saıtynyń habarlaýynsha, 28 qazan kúni jergilikti ýaqyt boıynsha saǵat 15:20 shamasynda Qytaı astanasy Beıjińdegi Haıdıan aýdanynda adamdarǵa pyshaqpen shabýyl jasaldy.
Beıjiń polıtsııasy taratqan aqparatqa sáıkes, shabýyl jasaǵan 50 jastaǵy er adam.
Oqıǵa bolǵan jer Beıjińdegi «Chjýngýantsún №3 bastaýysh mektebi» dep habarlandy.
Shabýyl oqýshylar mektepten shyǵyp kele jatqanda jasalǵan.
Bes adam zardap shekti, onyń úsheýi kámeletke tolmaǵan.
Shabýyldaýshyny polıtsııa qamaýǵa alyp, jaralanǵandar emdelýge aýrýhanaǵa jóneltildi.
Buǵan deıin Qytaıda pyshaqpen jasalǵan shabýyldan japondyq bala zardap shekeni turaly habarlaǵan bolatynbyz.