Qytaı áskeri Taıvan aınalasynda jattyǵýlaryn bastady

<p>ASTANA. KAZINFORM &ndash; Beısenbi kúni tańǵy saǵat 07:45-te Qytaı Halyq- azattyq armııasy (QHAA) Taıvan aralynyń aınalasynda birlesken áskerı jattyǵýlaryn bastady. Bul týraly QHR Qorǵanys mınıstrliginiń <a href="http://eng.mod.gov.cn/xb/News_213114/TopStories/16310652.html" target="_blank" rel="noopener">saıtynda </a>habarlandy.</p>

Oqý-jattyǵýlar Taıvan buǵazynda, Taıvan aralynyń soltústiginde, ońtústiginde jáne shyǵysynda, sondaı-aq Tszınmen, Matszý, Ýtsıý jáne Dýnın araldarynyń aınalasyndaǵy aýdandarda ótýde.

QHAA Shyǵys jaýyngerlik qolbasshylyq aımaǵynyń baspasóz hatshysy Lı Sı málim etkendeı, 23-24 mamyr kúnderi jaýyngerlik qolbasshylyqtyń atalǵan aımaǵynyń qurlyqtaǵy áskerleri, áskerı-teńiz kúshteri, áskerı-áýe kúshteri jáne zymyran kúshteriniń áskerı qyzmetkerleri «Birlesken ótkir qylysh-2024» kod ataýymen birlesken oqý-jattyǵýǵa qatysady.

Onyń aıtýynsha, oqý-jattyǵý barysynda Áskerı-teńiz kúshteri men Áskerı-áýe kúshteriniń birlesken patrýldik qyzmeti, urys dalasynda jan-jaqty baqylaý quqyǵyn birlesip ıelený jáne negizgi nysandarǵa dál soqqy berý jumystary basty nazarda bolady. Ol oqý-jattyǵý kezinde QHAA áskerı kemeleri men ushaqtary patrýldeý úshin Taıvan aralynyń aınalasyndaǵy aýdandarǵa jaqyndaıtynyn jáne QHAA-nyń Shyǵystaǵy jaýyngerlik qolbasshylyǵynyń naqty jaýyngerlik múmkindikterin synaý úshin aral ishinde jáne odan tys birlesken jaýyngerlik keshendi operatsııalar júrgiziletinin qosyp aıtty.