Qytaı armııasy Taıvan araly tóńiregindegi áskerı oqý-jattyǵýyn jalǵastyrýda

<p>ASTANA. KAZINFORM &ndash; Qytaıdyń halyq-azattyq armııasy búginde Taıvan araly tóńireginde birlesken áskerı oqý-jattyǵýyn jalǵastyrdy, dep habarlaıdy Kazinform Xinhua agenttigine silteme jasap.</p>

QHAA Shyǵys jaýyngerlik qolbasshylyq aımaǵynyń resmı ókili Lı Sıdiń aıtýynsha, oqý-jattyǵý barysynda Áskerı-teńiz kúshteri men Áskerı-áýe kúshteriniń birlesken patrýldik qyzmeti, urys dalasynda jan-jaqty baqylaý quqyǵyn birlesip ıelený jáne negizgi nysandarǵa dál soqqy berý jumystary basty nazarda bolady.

Shyǵys jaýyngerlik qolbasshylyǵy beısenbi kúni Taıvan araly tóńireginde «Birlesken ótkir qylysh-2024» oqý-jattyǵýyn ótkizetindigin jarııa etken bolatyn. Áskerı is-shara 23-24 mamyr kúnderine josparlanǵan.

Juma kúni Qytaıdyń jaǵalaý kúzetiniń kemeler jasaǵy Taıvan aralynan shyǵysqa qaraı sý aıdynda keshendi oqý-jattyǵý ótkizdi.

«Tekserý jáne birizdendirý, eskertý jáne yǵystyrý syndy negizgi baǵdarlamalardy qamtıtyn manevrler jaǵalaý kúzetiniń kemeler jasaǵynyń teńizdegi tótenshe jaǵdaıda shuǵyl áreket etý jáne birlesip sholǵyndaý qabiletin shyńdaýǵa baǵyttalǵan», - dedi Qytaı Jaǵalaý kúzetiniń resmı ókili Gan ıÝı.

Oqý-jattyǵýlar Taıvan buǵazynda, Taıvan aralynyń soltústiginde, ońtústiginde jáne shyǵysynda, sondaı-aq Tszınmen, Matszý, Ýtsıý jáne Dýnın araldarynyń aınalasyndaǵy aýdandarda ótýde.

Osyǵan deıin Qytaı áskeri Taıvan aınalasynda jattyǵýlaryn bastaǵanyn jazdyq.