Qytaı álemdegi eń úlken kún elektr stantsııasyn iske qosty

<p>ASTANA. KAZINFORM &ndash; Qytaıda Nıý-Iork kólemimen teń álemdegi eń úlken kún elektr stantsııasy iske qosyldy. Bul týraly <a href="https://www.independent.co.uk/tech/solar-panel-farm-worlds-biggest-china-b2556888.html" target="_blank" rel="noopener">Independent</a> habarlady.&nbsp;</p>

Basylymnyń málimetinshe, stansa jylyna 6 mıllıard kılovatt-saǵattan astam energııa óndirýge qaýqarly jáne bul kólem shaǵyn eldi energııamen tolyq qamtamasyz etýge jetedi. Bul elektr stantsııasy Shyńjańnyń batys bóliginiń shóldi aımaǵynda ornalasqan jáne 200 myń gektar aýmaqty alyp jatyr.

Qytaıdyń búginde kún energııasyn óndirý boıynsha álemde kóshbasshy ekeni jáne 2023 jyly qýatyn 50 paıyzdan astamǵa arttyratyny atap ótildi. Jańa kún elektr stantsııasy Qytaıdaǵy Ningxia Teneggeli jáne Golmud Wutumeiren jobalaryn basyp ozyp, álemdegi eń úlken stantsııaǵa aınaldy.

Halyqaralyq energetıkalyq agenttik Qytaıdyń energetıkalyq saıasatyna qatysty boljamdar jasady. Onyń aıtýynsha, 2028 jylǵa qaraı Qytaı dúnıe júzinde óndiriletin jańartylatyn energııanyń shamamen 60 paıyzyna ıe bolady. Buǵan qosa, Qytaı 2030 jylǵa qaraı álemdegi jańa qýattardyń jartysynan kóbin shyǵarýdy josparlap otyr.

Longi Green Energy Technology kompanııasynyń baǵalaýy boıynsha, 2023 jylǵa qaraı jaqyn bolashaqta Qytaı shatyrlar men ǵımarattarǵa kún batareıalaryn ornatý arqyly Ońtústik-Shyǵys Azııadaǵy barlyq úı sharýashylyqtaryn qýattandyrýǵa jetkilikti elektr qýatyn óndiredi.

Sonymen qatar, Qytaıdyń kún panelderi óndirisin jyldam keńeıtýi de onyń álemdik naryqta artyq energııa shyǵarýy jáne kútpegen ekonomıkalyq saldarǵa ákelýi múmkin degen alańdaýshylyq týdyrady.