Qytaı Syrtqy ister mınıstrliginiń málimetinshe, jýyrda shamamen 20 qytaılyq ǵalym AQSh-ta ótetin akademııalyq konferentsııalarǵa qatysý úshin barǵan kezde Sıetl áýejaıynda AQSh Keden jáne shekara qyzmeti qyzmetkerleriniń negizsiz tekserýine ushyrap, keıin elge kirgizilmegen.
Beıjiń bul azamattardyń qolynda jaramdy ári zańdy amerıkalyq vızalar bolǵanyn atap ótti.
Qytaı tarapynyń aıtýynsha, sońǵy ýaqytta Sıetl áýejaıynda qytaılyq ǵalymdarǵa qatysty qaıtalanatyn tekserýler men kedergiler tirkelgen. Osyǵan baılanysty AQSh-qa barýdy josparlaǵan azamattarǵa qaýipsizdik sharalaryn kúsheıtý usynyldy.
Sondaı-aq Qytaı bıligi azamattarǵa AQSh-tyń kóshi-qon jáne kirý erejelerin aldyn ala muqııat zerdeleýge, barlyq qajetti qujattardy daıyndaýǵa jáne tekserý kezinde sabyrly áreket etýge keńes berdi.
Qytaı stýdentteri men ǵalymdarynyń AQSh áýejaılarynda elge kire almaý jaǵdaılary sońǵy jyldary birneshe ret tirkelgen. Buǵan deıin de Beıjiń mundaı oqıǵalarǵa baılanysty narazylyq bildirgen bolatyn.
Buǵan deıin Donald Tramp Sı Tszınpınnen Iranǵa qarý satpaý máselesin kótergenin habarlaǵan edik.