Qytaı 44 jyldan beri alǵash ret ballıstıkalyq zymyran ushyrdy

<p>ASTANA. KAZINFORM &ndash; Qytaı Tynyq muhıtynda oqtumsyq maketi bar qurlyqaralyq ballıstıkalyq zymyrandy sátti synaqtan ótkizgenin málimdedi. Qytaı bıligi bul synaqtardy josparly dep ataǵanymen, sarapshylar mundaı synaq sońǵy ret 1980 jyly júrgizilgenin atap ótti, dep habarlaıdy <a href="https://www.bbc.com/russian/articles/c148x1ryl57o" target="_blank" rel="noopener">VVS</a>.&nbsp;</p>

Qytaı Qorǵanys mınıstrliginiń málimdemesinde zymyrannyń sársenbi kúni jergilikti ýaqyt boıynsha saǵat 08:44-te (Grınvıch boıynsha saǵat 04:44-te) ushyrylǵany habarlandy.

«Zymyran josparlanǵan akvatorııaǵa tıdi, ushyrý zymyrandyq kúshterdiń jyl saıynǵy áskerı jattyǵýlary aıasynda júzege asyryldy», - dep habarlaıdy Sınhýa memlekettik aqparat agenttigi.

Beıjiń qandaı zymyran synalǵanyn jáne onyń qandaı traektorııamen ushqanyn habarlaǵan joq. Alaıda Sınhýa Qytaıdyń «bul týraly tıisti elderge aldyn ala habarlaǵanyn» atap ótti.

Qytaı el aýmaǵynda ıadrolyq qarýyn júıeli túrde synaqtan ótkizedi jáne sońǵy jyldary Shyńjań aımaǵyndaǵy Takla-Makan shólindegi polıgonǵa qurlyqaralyq ballıstıkalyq zymyrandar ushyrdy.

Sondyqtan qazirgi synaq Qytaı zymyrany halyqaralyq sýlar arqyly 1980 jyldan beri alǵash ret ushyp ótti dep sanalady.

Amerıkalyq qorǵanys sarapshysy Djon Rıdj Qytaıdyń zymyran synaqtaryn AQSh-qa arnalǵan «kórsetkish qadam nemese belgi» dep sanaıdy.

Ótken jyly Beıjiń men Vashıngton arasyndaǵy qarym-qatynas birshama jaqsardy, alaıda AQSh-tyń Qytaıdyń aımaqtaǵy agressıvti saıasatyna kóńili tolmaı otyr.

Basqa máselelermen qatar, Qytaı men Fılıppın arasyndaǵy shıelenis kúsheıip keledi: olardyń kemeleri eki el málimdegen sýlarda qaqtyǵysqa túsýde.

Tamyz aıynda japondyq áskerı ushaqtar Tokıo Japonııanyń áýe keńistigin buzdy dep málimdegen Qytaıdyń barlaý ushaǵyn ustady.