Qytaı 2025 jyldyń sońyna deıin 12 elge vızasyz rejımdi uzartty

<p>ASTANA. KAZINFORM &mdash;Qytaı 12 eldiń azamattary úshin 2025 jyldyń sońyna deıin qysqa merzimge vızasyz rejımdi uzartý týraly sheshim qabyldady. Bul týraly Qytaı Syrtqy ister mınıstrliginiń resmı ókili Lın Tszıan málimdedi.</p>

«QHR men shet elder arasyndaǵy azamattardy almasýdy jeńildetý úshin Qytaı Frantsııa, Germanııa, Italııa, Nıderland, Ispanııa, Malaızııa, Shveıtsarııa, Irlandııa, Vengrııa, Germanııa, Avstrııa, Belgııa, Lıýksembýrg jáne basqa eldiń azamattary úshin vızasyz rejımdi 2025 jyldyń 31 jeltoqsanyna deıin uzartý týraly sheshim qabyldady», - dedi Qytaı dıplomaty.

Onyń aıtýynsha, joǵaryda atalǵan shet memleketterdiń qarapaıym tólqujaty bar azamattaryna issapar jáne týrıstik saparlarǵa, týystary men jaqyndaryna barý, sondaı-aq tranzıttik saparlar úshin Qytaıǵa 15 kúnge deıin vızasyz kirýge jáne turýǵa ruqsat etiledi.

Aıta keteıik, Qytaı tóraǵasy Sı Tszınpın Frantsııaǵa sapary barysynda Qytaı tarapy 12 eldiń azamattaryn qysqa merzimdi vızadan bosatý saıasatyn 2025 jyldyń sońyna deıin uzartý týraly sheshim qabyldaǵanyn atap ótken bolatyn.