Kitaphanalar jastar jınalatyn áleýmettik ortalyqqa aınalady
«Jas Otan» jastar qanatynyń «Bilim ortalyqtary» jobasy boıynsha óńirlerdegi kitaphanalardy jastar jınalatyn áleýmettik ortalyqtarǵa aınaldyrýdy qolǵa aldy. Osy maqsatta aldymen kitaphanashylardyń biliktiligin arttyrý úshin elimizdiń 17 aımaǵynan 34 kitaphana qyzmetkeri elordaǵa arnaıy shaqyrylyp semınar-trenıngten ótti. Atap aıtqanda, 8-12 qazan kúnderi «Jas Otan» men Nazarbaev Ýnıversıteti 5 kún boıy kitaphanalardyń zamanaýı ózgeristerge beıimdelýi men jańa formatta jumys isteýi boıynsha óz tájirıbelerimen bólisti.
«Jas Otannyń IV sezinde jastarǵa qosymsha bilim berý men arttyrý boıynsha tezıster qabyldanǵan bolatyn. Osy turǵyda jumysty bilimniń bulaǵy kitaphanadan bastadyq, biz 3 aıǵa jýyq óńirlerdegi kitaphanashylarymen kezdesý ótkizip, olardyń máseleleri men usynystaryn tyńdadyq. Solardyń bárin súzgiden ótkizip, monıtorıng jasap, kitaphanany jastar jınalatyn áleýmettik ortalyqqa aınaldyrýdy qolǵa aldyq. Odan bólek jobany júzege asyrýda AQSh, Fınlıandııa, Kanada elderiniń kitaphana men áleýmettik koýorkıng ortalyqtarynyń tájirıbeleri eskerildi», - dedi «Jas Otan» jastar qanatynyń tóraǵasy Danııar Súndetbaev OKQ-de ótken baspasóz máslıhatynda.
Onyń aıtýynsha, búginde álemniń kóptegen elderinde kitaphana úshinshi úıge aınalǵan, atalǵan tájirıbeni óz elimizge qol alatyn ýaqyt keldi jáne ol aldymen oblys ortalyqtarynda pılottyq joba retinde júzege asyrylady ýaqyt óte kele tıisinshe aýdan jáne aýyldyq jerlerde de óz jalǵasyn tabady.
«Biz bes kún boıy kitaphana mamandaryn óz salamyzdaǵy sońǵy trendtermen tanystyryp, aımaqtarda qalaı zamanaýı suranysqa saı kitaphana jumysyn júrgizýge bolatynyn aıttyq. Endi mamandar óz óńirlerinde úlken ózgeris jasaıdy dep senemiz. Biz ıdeıa jáne tájirıbemen bólistik. Endigi jumys kitaphanashylardyń qolynda», - dedi Nazarbaev Ýnıversıteti kitaphanasynyń bas sarapshysy Petr Lapo.