Kitabynan túsken qarjyny naýqas balalarǵa jumsaǵan jazýshy qyzdy mınıstr marapattady

NUR-SULTAN. QazAqparat - Ekologııa, geologııa jáne tabıǵı resýrstar mınıstri Serikqalı Brekeshev jas ekobelsendi Dıana Myrzaǵalıevamen kezdesip, ony Qurmet gramotasymen marapattady, dep habarlaıdy QazAqparat.

Mınıstr Dıananyń ómiri týraly BAQ betterinen oqyp, úlken áserge bólendi.

Dıana Shyǵys Qazaqstan oblysynda dúnıege kelgen. Bala kezinen dárigerler oǵan dızartrııa (tserebraldy sal aýrýynyń jeńil túri) dıagnozyn qoıdy.

Ol tolyqqandy sóıleı almady. Onyń bul jaǵdaıǵa dýshar bolýy Semeı ıadrolyq polıgonyndaǵy synaqtyń saldary bolýy da múmkin.

Dıana densaýlyǵy syr bergen tórt balanyń ómiri jaıly «Aqsý-Jabaǵylynyń sıqyrly álemi» atty ertegi kitabyn jazdy.

Ol óz shyǵarmasy arqyly erekshe balalarǵa jáne tabıǵatqa qamqorlyqpen qaraýdy nasıhattap qana qoımaı, balalardyń ómiri men densaýlyǵyn saqtaýǵa óz úlesin qosqysy keldi.

Osylaısha, kitapty satýdan túsken búkil qarajatty onkologııamen aýyratyn balalardyń emine jiberip otyr. Búginge deıin satylymnan 250 000 teńge túsken.

Kezdesý barysynda Serikqalı Brekeshev jas ekologqa, onyń ata-anasyna jáne oqytýshysyna alǵysyn jetkizdi.

Ol sondaı-aq mınıstrlik jetekshilik etetin ekologııalyq jobalarǵa qatysýdy, ekooqytý jónindegi aktsııalarǵa qatysýdy jáne «Aqsý-Jabaǵyly» ulttyq parkine barýdy usyndy.

Mınıstr ekobelsendini Qurmet gramotasymen marapattap, ata-anasyna jáne ustazyna Alǵys hattar tapsyrdy.