Qysqy Ýnıversıada: Shaıbaly hokkeıden qyzdar quramasynyń qarsylastary anyqtaldy

<p>ASTANA. KAZINFORM &mdash; 2025 jylǵy Qysqy Ýnıversıadaǵa qatysatyn Qazaqstan qyzdar quramasynyń qarsylastary anyqtaldy.</p>

Dúnıejúzilik doda 13-23 qańtar aralyǵynda Italııanyń Týrın qalasynda ótkiziledi.

Qazaqstandyq hokkeıshiler V tobynda synǵa túsedi. Qarsylastary — Japonııa, AQSh jáne Chehııa.

Oıyn kestesi tómendegideı:

13 qańtar, 00:00. Japonııa — Qazaqstan

14 qańtar, 20:30. Chehııa — Qazaqstan

16 qańtar, 20:30. Qazaqstan — AQSh.

Al elimizdiń erler quramasy A tobynda Kanada, Chehııa, Ońtústik Koreıa jáne Shvetsııamen sheberlik baıqasady.

Olar alǵashqy oıynyn 12 qańtarda Shvetsııaǵa qarsy ótkizse, odan keıin 14 qańtarda Ońtústik Koreıa, 15 qańtarda Kanada, 17 qańtarda Chehııamen oınaıdy.

Dúbirli dodada sportshylar 11 sport túri boıynsha baq synaıdy. Qazaqstan quramasynan 103 sportshy qatysady. 

Olar bıatlon, short-trek, shańǵy jarysy, mánerlep syrǵanaý, qysqy sporttyq baǵdarlaý, frıstaıl, taý shańǵysy, erler jáne áıelder hokkeıi, sondaı-aq parashańǵy jarystary boıynsha synǵa túsedi.

XXXII Dúnıejúzilik qysqy ýnıversıadanyń saltanatty ashylýy 13 qańtarda ótedi. Ashylý rásimi «Qazsport» telearnasynda saǵat 23:30–da tikeleı efırde kórsetiledi.

Osyǵan deıin Almaty frıstaıldan álem kýbogynyń kezeńderin ótkizýge daıyndalyp jatqany habarlandy.