Qysqy ýnıversıada: qazaqstandyq parashańǵyshylar taǵy eki júlde aldy

<p>QYZYLORDA. KAZINFORM - Italııa astanasy Týrın qalasynda ótip jatqan Qysqy ýnıversıada oıynddarynda Qazaqstan quramasy qorjynyna taǵy eki medal tústi.</p>

El quramasynan Denıs Zınov parashańǵydan 1400 metrge sprınt jarysynda kúmis júldeger atandy. Qazaq sport jáne týrızm akademııasynda bilim alatyn ol budan buryn 10 shaqyrymdyq erkin júriste kúmis medalǵa qol jetkizgen edi.

Al kózi nashar kóretin sportshylar sanatynda parashańǵydan erler arasyndaǵy 1400 metrge sprınt jarysynda Roman Qurbanov máre syzyǵyn úshinshi bolyp qıdy. Osylaısha ol stýdentik oıyndardyń 2 dúrkin qola júldegeri atandy. Qostanaı kolledjinde bilim alyp júrgen ol ýnıversıadada budan buryn 10 shaqyrymdyq erkin júriste úzdik úshtikten kóringen edi.

Eske salsaq, qazaqstandyq sportshylar medaldar kestesinde eki altyn, úsh kúmis, bir qolamen ekinshi orynda keledi. El quramasy qorjynyna qos altyndy frıstaılshy Anastasııa Gorodko saldy.

Al Aıaýlym Ámrenova men Anton Bondarev (ekeýi de frıstaıl juptyq-mogýl) jáne Denıs Zınov (parashańǵy, 10 shaqyrym) kúmis, Roman Qurbanov (parashańǵy, 10 shaqyrym) qola medal aldy.

https://kaz.inform.kz/news/kiski-universiada-kazakstan-medaldar-kestesnde-uzdk-ushtkke-end-ab449b/