Qysqy ýnıversıada: Qazaqstan qorjynyna taǵy eki medal tústi
17:14, 15 Qańtar 2025
<p>ASTANA. KAZINFORM - Italııanyń Týrın qalasynda ótip jatqan Qysqy ýnıversıadada búgin Qazaqstan qorjynyna bir kúmis, bir qola medal tústi. </p>
El quramasynan Denıs Zınov parashańǵyshylar arasynda 10 shaqyrymǵa erkin júristen márege ekinshi bolyp kelip, kúmis júlde aldy.
Al atalǵan saıysta Roman Qurbanov qola medal ıelendi. Ol kózi nashar kóretinder sanatynda jarysqa qatysyp, júldege qol jetkizdi.
Aıta ketsek, budan buryn 14 qańtarda Anastasııa Gorodko frıstaıldan chempıon atanǵan edi.
Italııanyń Týrın qalasynda ótip jatqan Qysqy ýnıversıadada qazaqstandyq 103 sportshy 11 saıys túri boıynsha baq synaıdy. Olar bıatlon, short-trek, shańǵy jarysy, mánerlep syrǵanaý, qysqy sporttyq baǵdarlaý, frıstaıl, taý shańǵysy, erler jáne áıelder hokkeıi, sondaı-aq parashańǵy jarystary boıynsha synǵa túsedi.