Qysqy ýnıversıada: Hokkeıden Qazaqstan erler quramasy Ońtústik Koreıany iri eseppen jeńdi

<p>ASTANA. KAZINFORM &mdash; 2025 jylǵy Qysqy ýnıversıadada shaıbaly hokkeıden Qazaqstan erler quramasy ekinshi oıynyn Ońtústik Koreıaǵa qarsy ótkizdi.&nbsp;</p>

Kezdesý barysynda qazaqstandyq hokkeıshiler senimdi oıyn órnegin kórsetti. Birinshi kezeńde qazaqstandyq Aleksandr Panchenko 9-mınýtta esep ashsa, odan keıin 10-mınýtta Nıkolaı Shýlga basymdyqty arttyrdy. Oıynnyń 18-mınýtynda Rýslan Demın mergendik tanytty.

Ekinshi kezeńde Andreı Býıalskıı 35-mınýtta gol soqsa, 38-mınýtta Kırıll Nıkıtın kózdegen nysanadan múlt ketken joq.

Úshinshi kezeńde koreıalyq hokkeıshiler esep aıyrmasyn bir golǵa qysqartsa, qazaqstandyq Semen Sımonov 51, Denıs Chaporov 57-mınýtta kózdegen nysanadan múlt ketken joq. 

Endi qazaqstandyq hokkeıshiler 15 qańtarda Kanada, 17 qańtarda Chehııamen sheberlik baıqasady. 

Erler quramasy buǵan deıin alǵashqy oıynda Shvetsııadan 9:2 esebimen basym tústi.