ASTANA. KAZINFORM - 2025 jylǵy Qysqy ýnıversıadaǵa shaıbaly hokkeıden Qazaqstan erler quramasy úshinshi oıynyn Kanadaǵa qarsy ótkizedi.
Stýdenttik oıyndar 13-23 qańtar aralyǵynda Italııanyń Týrın qalasynda bolady.
Qazaqstan erler quramasy A tobynda synǵa túsedi. Qarsylastary - Kanada, Chehııa, Ońtústik Koreıa jáne Shvetsııa.
Búgingi kezdesý qazaqstandyq ýaqytpen 00:00-ge belgilengen.
Eki qurama buǵan deıin bes márte kezdesti. Onyń ekeýinde Qazaqstan jeńse, qalǵanynda qarsylasyna ese jiberdi.
Erler quramasy buǵan deıin Shvetsııadan 9:2, Ońtústik Koreıadan 7:1 esebimen basym tústi.
Sondaı-aq olar 17 qańtarda Chehııamen sheberlik baıqasady.
Aıta keteıik, 15 qańtarda Italııanyń Týrın qalasynda 2025 jylǵy Qysqy ýnıversıadanyń ekinshi jarys kúninde qazaqstandyq sportshylar shańǵy jarysy (erler, áıelder), parashańǵy jarysy frıstaıl juptyq-mogýl jáne shaıbaly hokkeıden synǵa túsedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.