Kanvon-2024: elimizdiń kók baıraǵyn qos sportshy kóterip shyqty

<p>ASTANA. KAZINFORM &ndash; Ońtústik Koreıanyń Kanvon qalasynda alaýy tutanǵan IV qysqy jasóspirimder Olımpıadasynyń resmı ashylý saltanatynyń &laquo;Memleketter sherýi&raquo; kezinde Qazaqstannyń týyn Krıstına Shýmekova men Erasyl Shyńǵyshan ustap shyqty.&nbsp;</p>

Foto: Nurǵalı Jumaǵazy

18 jastaǵy Shýmekova - konkımen júgirý sportynan QR sport sheberi, el birinshiliginiń jeńimpazy, 2023 jylǵy Álem kýbogynyń kúmis júldegeri. Al, 17-degi ekinshi tý ustaýshy Erasyl Shyńǵyshan - short-trekten sport sheberine kandıdat,  Qazaqstan Respýblıkasynyń chempıony, sondaı-aq «Azııa balalary» 2023 halyqaralyq jarysynyń kúmis júldegeri. 

Foto: Salı Sabırov

Foto: Salı Sabırov

Buǵan deıin habarlaǵanymyzdaı, «Memleketter sherýi» kezinde Qazaqstannyń baıraǵyn petropavldyq konkımen júgirý sportynyń ókili Krıstına Shýmekova men oraldyq short-trekshi Erasyl Shyńǵyshan ustap shyǵatyny málim boldy.

Esterińizge sala keteıik, sporttyq dodanyń saltanatty ashylý rásimi Kannyn qalasyndaǵy «Gangneuung Oval» sport kesheninde ótip jatyr. Sondaı-aq IV qysqy jasóspirimder Olımpıadasynyń ashylý saltanaty bastalǵanyn jazǵan bolatynbyz.