Qysqy Olımpıada 2030 jyly Frantsııada, 2034 jyly AQSh-ta ótedi

<p>ASTANA. KAZINFORM - 2030 jylǵy Qysqy Olımpıada oıyndary Frantsııanyń Alpisinde ótedi. Bul sheshim Halyqaralyq Olımpıada komıtetiniń Parıjde ótken 42-sessııasynda málim boldy.</p>

Bul sheshimge 84 delegat qoldaý bildirse, 7-i qalys qalyp, 4-i qarsylyq bildirdi.

Halyqaralyq Olımpıada komıtetiniń basshysy Tomas Bah Frantsııa prezıdenti Emmanýel Makron men basqa da qyzyǵýshylyq tanytqan azamattar 2030 jylǵy Olımpıada oıyndaryn qabyldaýǵa daıyn ekendigin jetkizgenin atap ótti. HOK Frantsııanyń ǵalamat Olımpıada ótkizetinine senetinine toqtaldy.

Qysqy Olımpıada 2030 jyldyń 8-24 aqpany aralyǵynda ótkiziledi dep josparlanyp otyr. 

Endigi kezekte HOK talaptaryna sáıkes, Frantsııa úkimeti Olımpıadany ótkizýge kepildik berýi talap etiledi. Oǵan qosaúsh Alpi aımaǵynyń bıligimen - Evıan, Rona-Alpi jáne Provans-Alpi jarystardy uıymdastyrý týraly kelisim jasasý mindetteldi.

HOK sessııasyna qatysqan Frantsııa prezıdenti Emmanýel Makron barlyq mindetteme júzege asatynyna ýáde berdi.

Osylaısha Frantsııa óz tarıhynda tórtinshi ret qysqy Olımpıada oıyndaryn ótkizýge múmkindik alyp otyr. Buǵan deıingi oıyndar 1924 jyly Shamonıde, 1968 jyly Grenoblde jáne 1992 jyly Albertvılde ótken edi.

Sondaı-aq 2034 jylǵy Oıyndar AQSh-tyń Solt-Leık-Sıtıde qalasynda ótedi. 

Aıta ketsek, 2026 jylǵy Olımpıada oıyndary Italııanyń Mılan jáne Kortına-d’Ampetstso qalalarynda ótedi.