Qysqa daıyndyq: ShQO-da tótenshe jaǵdaılarǵa jedel den qoıýǵa 800-den astam tehnıka daıyndaldy

<p>Shyǵys Qazaqstan oblysynda qys mezgiline daıyndyq jumystary júrgizilip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ShQO TJD ókilderi qys mezgiline daıyndyq jumystarynyń qalaı júrgizilip jatqanyn málim etti. Óńir boıynsha tótenshe jaǵdaılarǵa jedel den qoıý úshin 1535 adamnan turatyn toptar men 838 tehnıka daıyn tur. Onyń ishinde 568 tehnıka jergilikti atqarýshy organdar men jol uıymdaryna tıesili.

Oblystaǵy barlyq óndiristik úı-jaılar men jylytý pýnktteri qysqa daıyndalyp, kómir, janar-jaǵarmaı jáne birinshi kezekte qajetti ónimdermen qamtamasyz etilgen. 140 myń tonna kóleminde janar-jaǵarmaı qory satyp alynyp, eki tonnadan astam kóktaıǵaqqa qarsy materıal daıyndaldy. 130 ýaqytsha jol belgisi alynyp, ornatý jumystary júrgizilip jatyr. Sondaı-aq 720 tonna kómir satyp alynǵan.

1 qarashadan bastap jol qurylymdarynyń táýlik boıǵy dıspetcherlik qyzmetteri jumysyn bastady. Óńirde respýblıkalyq jáne oblystyq mańyzy bar joldarda 7 jylytý pýnkti jumys isteıdi.

TJD tótenshe jaǵdaılardy joıý basqarmasynyń bastyǵy Rınat Kondybaevtyń aıtýynsha, ótken qysqy kezeńde oblys joldarynda qutqarýshylar 7 apattyq-qutqarý jumystaryn júrgizgen.

«Barlyǵy 168 adam qutqarylyp, qaýipsiz jerge kóshirildi. Qar qursaýynda qalǵan 7 tehnıka evakýatsııalandy. Respýblıkalyq tasjolda zardap shekkenderge shuǵyl medıtsınalyq kómek kórsetý úshin Ulan aýdany Prıvolnoe aýylynda ornalasqan trassalyq medıtsınalyq-qutqarý pýnkti jumys isteıdi», - deıdi ol.