Kisi ólimine soqtyrmaǵan ortasha aýyr jáne aýyr emes qylmystardyń bári aıyppulmen shekteledi - Kodeks jobasy
Bul týraly búgin Májilistiń Zańnama jáne sot-quqyqtyq reforma komıtetiniń keńeıtilgen otyrysynda QR Bas prokýrorynyń orynbasary Iogan Merkel málim etti. Eske salsaq, otyrysta Qylmystyq kodeks jobasynyń jańa redaktsııasy talqylanǵan bolatyn.
«Qoldanystaǵy Qylmystyq kodekspen salystyrsaq, jańa jobada negizinen jazalaý júıesi qaıta qarastyryldy jáne bas bostandyǵynan aıyrýdyń balama sharalaryn keńinen engizý qamtylyp otyr. Atap aıtqanda, aıyppul salý kisi ólimine soqtyrmaǵan ortasha aýyr jáne ortasha qylmystardyń barlyǵyna kózdeletin bolady. Budan basqa, balama jaza retindegi aıyppul salý qosymsha 162 sanktsııaǵa engizildi. Al onyń úlesi 50 paıyzǵa jetse, aıyppuldar mólsheri ortasha alǵanda 57 paıyzǵa arttyryldy», - deıdi I.Merkel.
Budan bólek, kodeks jobasymen aıyppul sanktsııasyna jaqyndatylǵan balama jaza túri retinde eńbekpen túzeý jumystaryna ustaý tártibi ózgertilgen. Al aıyppul tóleý men eńbekpen túzeý jazalarynan jaltarǵandarǵa bostandyǵyn shekteý sharalary qoldanylatyny da qarastyrylyp otyr. «Osyndaı normalardyń ózi balama jazalardyń naqty oryndalýyna óz septigin tıgizetini boljanady», - deıdi Bas prokýror orynbasary.