Kishkentaı qyzdyń aýzy men qolyn baılaǵan áıel 2 aıǵa qamaýǵa alyndy

QONAEV. QazAqparat – Kishkentaı qyz balanyń aýzyn jaýyp, qolyn baılaǵan áıel 2 aıǵa qamaýǵa alyndy, dep habarlaıdy QazAqparat tilshisi.

«Sot sheshimimen 22 shilde kúni 1999 jylǵy azamatsha 2 aıǵa qamaýǵa alyndy. Qazir kúdiktige qatysty QR QK 126 baby boıynsha tergeý bastaldy», - delingen Almaty oblystyq Polıtsııa departamenti baspasóz qyzmetiniń habarlamasynda .

Eske sala keteıik, 19 maýsymda áleýmettik jelide belgisiz áıeldiń kishkentaı qyz balanyń aýzy men qolyn baılap, belgisiz baǵytqa áketip bara jatqan vıdeosy taraǵan bolatyn. Bul jaıt jeli qoldanýshylarynyń ashýyn týǵyzdy.

Bala quqyqtary jónindegi ýákil Dınara Zákıeva Almaty oblysynyń Qarǵaly aýylyndaǵy qyz balanyń vıdeosyna pikir bildirdi.

Osy jaıttan keıin polıtsııa mán-jaıdy anyqtap, kúdiktini ustady. Qyz balany jábirlegen áıeldiń ústinen qylmystyq is qozǵaldy.