Kishi Taldykóldiń sýy tartylǵan jerine saıabaq salynady
«Bul máseleni sizdermen birneshe ret talqyladyq, tipti sarapshylardy tarttyq, saraptamalyq qorytyndylar da bar. Slaıdtarǵa qarasańyzdar, Kishi Taldykóldiń joǵarǵy jaǵynda sý joq, osy jyldar ishinde sý býlanyp ketken. Negizgi bóliginde sý bar. Ondaǵy sý bizdiń tazartý qondyrǵylarynan keledi. Nóserli káriz tolyqtyrady. Buryn jer asty sýlary da bolǵan, al qazir sol jaǵalaýdaǵy belsendi qurylysqa baılanysty sýdyń kelýi toqtaǵan», - dedi A. Kólginov qalalyq máslıhattyń kezekten tys sessııasynda.
Onyń aıtýynsha, ákimdik sý tartylǵan jerde saıabaq ashýǵa nıetti. Qazirdiń ózinde 1,5 myń aǵash otyrǵyzyldy, kúzde taǵy 2 myń aǵash egiledi. Ýchaskeniń shamamen 30 gektar perımetri qorshalǵan.
Sondaı-aq ákim qazir sý taıazdaıtyn kezeń bastalǵanyn atap ótti. 2015 jylǵa deıin Úlken Taldykólde sý kólemi 57 mln tekshe metr bolǵan. Bıylǵy jyl basynda 5 mıllıon tekshe metr bolsa, kúzdegi ólsheý sýdyń 1,5 mıllıon tekshe metr qalǵanyn kórsetti, ıaǵnı kólemi birneshe ese azaıdy. Jer asty sýlary deńgeıi tómendedi, oǵan qosa qazir qalalyq káriz-tazartý júıesinen shyqqan sý Úlken Taldykólge emes, Esilge quıylady. Sondyqtan ákimdik sýdyń bir bóligin Úlken Taldykól men Kishi Taldykólge baǵyttaýdy josparlap otyr.
Aýyz sýǵa qatysty Altaı Kólginov qazir qýattylyǵy táýligine 100 myń tekshe metr bolatyn úshinshi sorǵy-súzgi stantsııasy salynyp jatqanyn aıtty. Tórtinshi stantsııanyń qurylysy da josparlanýda.