Kishi Krıs ıÝbenk: Men Golovkınmen aıqasqa daıyn edim

ASTANA. QazAqparat - Brıtandyq boksshy kishi Krıs ıÝbenk (26-1, 20 KO) qazaqstandyq Gennadıı Golovkınmen (37-0-1, 33 KO) rıngte kezdesýdiń sáti túspegenine ókinishin bildirdi, dep habarlaıdy Sports.kz.

«Men múmkindigimdi jiberip aldym, biraq ol meniń kinám emes. Jaǵdaıdy basqarý meniń qolymda bolmady - men kelisimshart jasaýǵa, aıqasqa daıyn boldym, biraq Eddı Hırn bul jekpe-jekti Kell Brýkke berdi», - dedi kishi ıÝbenk Press Association Sport-qa bergen suhbatynda.

Eske salaıyq, Golovkınniń ıÝbenkpen aıqasy 2016 jyldyń jeltoqsanynda ótýi múmkin edi, alaıda kelissózder brıtandyq boksshynyń ákesiniń kesirinen bolmaı qaldy. Sebebi, ol jekpe-jekti uıymdastyrý protsesin tolyqtaı basqarǵysy kelgen. Keıin Krıs sýper orta salmaqqa kóterilip, IBO tujyrymy boıynsha chempıon atandy. Ol taıaýda ǵana meksıkalyq boksshynyń jaraqaty saldarynan «Kanelomen» revansh bolmaı qalsa, Golovkınmen aıqasýǵa daıyn ekendigin málim etti.