Kishi Kennedı 2024 jyly AQSh prezıdenttigine saılaýǵa túsýge nıetti

NЬıÝ-IORK. QazAqparat - Amerıka Qurama Shtattarynyń 35-shi prezıdenti Djon Kennedıdiń jıeni, zańger jáne saıasatker kishi Robert Kennedı 2024 jyly ótetin prezıdenttik saılaýǵa qatysýǵa ótinim berdi, dep habarlaıdy QazAqparat TASS aqparat agenttigine silteme jasap.

SNNtelearnasynyń málimetinshe, 69 jastaǵy Kennedı kishi Demokratııalyq partııa atynan úmitker bolýǵa nıetti.

Saıasatker - senator Robert Kennedıdiń (1925-1968) uly jáne Amerıkanyń burynǵy kóshbasshysy Djon Kennedıdiń (1917-1963) jıeni. Telearna atap ótkendeı, kishi Kennedı vaktsınatsııaǵa qarsy pozıtsııa tanytýda. Ol, sonymen qatar ekologııany qorǵaý belsendisi.

Kishi Kennedı 2024 jyly Demokratııalyq partııa atynan prezıdenttik saılaýǵa túsý nıetin rastaǵan ekinshi kandıdat boldy.

Osy jyldyń naýryz aıynda Demokratııalyq partııadan prezıdenttikke úmitker bolý úshin jazýshy Marıanna Ýılıamson da óz kandıdatýrasyn usyndy. Amerıkanyń qazirgi kóshbasshysy Djo Baıden qaıta saılanýǵa úmittenetinin ashyq aıtty. Alaıda, ol jańa saılaýaldy naýqan bastalǵanyn áli jarııalaǵan joq.