Kishi Almaty shatqalynda jaraqattanǵan jasóspirim qutqaryldy
14 jastaǵy týrıst «Mohnatka» taýynyń mańyna demalysqa shyqqan toptyń ishinde bolǵan.
«Taýda jaraqattanǵan jasóspirim týraly málimetti Almaty qalasynyń Qutqarý qyzmetine qalalyq TJD kezekshisi 16 saǵat 25 mınýtta habarlady. Taý bazasyndaǵy qutqarýshylardyń ekıpajy birden Kishi Almaty shatqalyna attandy. Tizeden jaraqat alǵan zardap shegýshige alǵashqy kómek kórsetilgen soń, ol taýdyń tómengi jaǵynda kútip turǵan QR ІІM TJK «Apattar medıtsınasy ortalyǵy» dárigerlerine tapsyryldy. Jaraqat alǵan balaǵa dárigerlik kómek kórsetilip, oǵan statsıonarlyq emniń qajet emes ekendigi anyqtaldy», - delingen qalalyq qutqarý qyzmetiniń habarlamasynda.
Málim etilgendeı, jasóspirim tize jaraqatyn taýǵa órmeleý barysynda alǵan.
Eske salaıyq, osy aptada týrısterge qatysty Almaty taýlarynda taǵy bir oqıǵa bolǵan edi. Eki adam qar kóshkininiń astynda qalyp, olardyń biri aman tabyldy.
Qaza tapqan týrıst Frantsııa azamaty bolyp shyqty.