Kırıllıtsa qazaq tiline tusaý bolyp otyr - Asyly Osman

ASTANA. QazAqparat - Almaty oblystyq ázerbaıjan etnomádenı birlestiginiń tóraıymy, til janashyry Asyly Osman qazaq tilin latyn grafıkasyna kóshirýdi tolyǵymen qoldaıdy, dep xabarlaıdy QazAqparat tilshisi.

«Máselen, kırıllıtsanyń , , ıý, ts sııaqty áripteri bizge ne úshin kerek? Bunyń barlyǵy tilimizdiń qaıta shuraıly bolýyna tusaý bolyp keldi. Ony da aıtqanymyz jón. Men tilshi retinde osy máseleni aıtpasam, ózime kiná sanaımyn. Bireýdi jamandaǵanym da emes, dattaǵanym da emes. Tek shyndyq bul. Al qazaq tiliniń ózindik ereksheligin, ishki dúnıesi men mazmunyn osy latyn qarpimen tolyq kórsetýge múmkindik bar. Sosyn qazir ınvestıtsııa dep jatamyz ǵoı. Sonyń ózinde de bireýmen shart jasasýǵa da, sóılesýge de, tildesýge de jeńil bolar edi», - dedi Osman búgin Qazaqstan Halqy Assambleıasynyń ǵylymı-sarapshylyq keńesiniń keńeıtilgen májilisinde

Ǵalymnyń aıtýynsha, qazaq tilin latyn grafıkasymen tańbalaǵanda qazaq sózderiniń áýezdiligin barynsha saqtaý qajet.

Aıta keteıik, QR Parlament Májilisinde ótken qoǵamdyq tyńdaýda latyn álipbıiniń biryńǵaı nusqasy tanystyrylǵan bolatyn. Qazaq tiliniń jańa álipbı jobasy «bir árip - bir dybys», «bir árip - eki dybys» jáne «bir dybys» prıntsıpine negizdelgen.