Qyrǵyzstannyń Ulttyq banki bazalyq mólsherlemeni 13% deńgeıinde qaldyrdy

<p>ASTANA. KAZINFORM - Qyrǵyz Respýblıkasynyń Ulttyq banki 30 qańtardan bastap kúshine engen eseptik mólsherlemeni 13% deńgeıinde qaldyrdy, dep habarlaıdy Kazinform tilshisi Qyrǵyz Respýblıkasynyń Ulttyq bankine silteme jasap.&nbsp;</p>

Eseptik mólsherlemeni 13% deńgeıinde ustap turý týraly sheshim eldegi ınflıatsııalyq protsesterdi odan ári báseńdetýge jáne ınflıatsııany orta merzimdi perspektıvada 5-7% maqsatty mánder sheginde ustaýǵa baǵyttalǵan.

Qyrǵyz Respýblıkasy Ulttyq bankiniń resmı ókili Aıda Karabaevanyń aıtýynsha, Qyrǵyz Respýblıkasyndaǵy ınflıatsııalyq protsester baıaýlaýyn jalǵastyrýda. 2023 jylǵy jeltoqsanda jyldyq ınflıatsııa deńgeıi - 7,3%-dy, 2024 jylǵy qańtarda – 5,9%-dy qurady. Azyq-túlik taýarlary baǵasynyń jyldyq mándegi ósimi 2022 jylǵy jeltoqsandaǵy 15,8%-dan 2024 jylǵy qańtardaǵy 1,9%-ǵa deıin turaqty baıaýlaýy baıqalady.

El ekonomıkasy joǵary belsendilikti saqtaýda, 2023 jyldyń aıaǵynda naqty JІÓ ósý qarqyny qyzmet kórsetý sektory men óńdeý ónerkásibiniń eń kóp úlesi esebinen 6,2%-dy qurady.

Tutynýshylyq nesıeleýdiń ósýi, jalaqynyń ósýi jáne aqsha aýdarymdary aǵynynyń artýy nátıjesinde ishki suranys joǵary bolyp otyr.