Qyrǵyzstannyń UQMK basshysy poshta arqyly qoqan-loqqy kórsetken hat aldy

<p>BІShKEK. KAZINFORM &ndash; Bul týraly tilshilermen ótken brıfıngte Qyrǵyzstan Ulttyq qaýipsizdik memlekettik komıtetiniń tóraǵasy Qamshybek Tashıev málimdedi, dep habarlaıdy Kazinform menshikti tilshisi AKIpress-ke silteme jasap.</p>

Arnaıy qyzmet basshysy túnde issapardan oralǵanyn, al tańerteń «jeke» degen jazýy bar ishinde fleshka salynǵan pakette qoqan-loqqy kórsetilgen hat alǵanyn aıtty. Joldaýdyń mátini Memleket basshysyna baıandaldy. 

Sadyr Japarovtyń tapsyrmasy boıynsha quramyna UQMK, ІІM, Bas prokýratýra kirgen tergeý toby qurylyp, tergeý amaldary bastaldy.

«Fleshkada maǵan jáne meniń otbasyma belgili bir sharttardy oryndaýdy talap etetin qoqan-loqqy bar. Qandaı da bir arnaıy qyzmetterdiń jumys ádisi anyq kórinip tur, arnaıy qyzmetkerge krımınaldyq avtorıtetter men olıgarhtar qomaqty aqsha tóledi», - dedi Q.Tashıev. 

UQMK tóraǵasynyń málimdeýinshe, ol uıymdasqan qylmystyq toptarǵa, qylmyskerlerge jáne t.b. qarsy kúresti bastaǵan kezde mundaı qaýipterdiń bolýy múmkin ekenin bilgen.

«Olar tarazynyń bir jaǵyna meni, otbasymdy jáne jaqyndarymdy, al ekinshi jaǵyna óz tilekteriniń oryndalýyn qoıdy. Maǵan qalaısha qysym jasalyp, osy joldan taıdyrýǵa májbúr etetinin bildim. Árıne, bul bolmaıdy. Senderden qoryqpaımyn. Kerisinshe menen qorqyp júrińder! Men ózimniń jeke maqsattarym úshin emes, qarapaıym halyqtyń ıgiligi úshin, elimizdiń qaýipsizdigin qamtamasyz etý úshin kúrese bastadym. Árıne, senderdi usynǵan mıllıondaǵan dollardy almaǵanym ashýlandyrdy. Menimen kelise almaǵandaryna yzalysyńdar. Bizdiń elde bolmaıdaryńdy bilesińder. Qylmyskerler, uıymdasqan qylmystyq toptar, olıgarhııa bolmaıdy. Meni qurtsańdar, bári qaıta oralady. Bálkim, maǵan zııan tıgizersińder, biraq men tiri bolǵansha bile júrinder, men bul joldan qaıtpaımyn. Bul adamdarǵa qarsy kúres jalǵasyp keledi. Elimiz azat, zańǵa baǵynatyn, damyǵan, demokratııalyq memleket bolady. Basqa elderden qalmaıyq. Bizge kedergi jasaıtyndar bar, biraq ekonomıkada ilgerileýshilik bar. Bul azdyq etedi, bul bastamasy ǵana», – dedi Q.Tashıev.

Eske sala ketsek, Qyrǵyzstan Prezıdenti Sadyr Japarovqa 2 ret, Ulttyq qaýipsizdik memlekettik komıtetiniń tóraǵasy Qamshybek Tashıevke 5-6 ret qastandyq jasamaq bolǵandardyń joly kesildi.