Qyrǵyzstannyń UQK 2025 jylǵy alǵashqy sybaılas jemqorlyq qylmysyn ashty

<p>ASTANA.KAZINFORM - Talasta polıtsııa qyzmetkeri adam bopsalaǵany úshin ustaldy, dep jazady <a href="https://kabar.kg/news/v-talase-zaderzhan-militcioner-za-vymogatel-stvo/" target="_blank" rel="noopener">Kabar </a>agenttigi.</p>

Komıtettiń málimetinshe, 11 qańtarda Talas ІІB ýchaskelik polıtsııa ınspektory J.T.A. turmystyq zorlyq-zombylyq faktisi boıynsha tergeýdi toqtatqany úshin 20 000 som alyp jatqan jerinde ustaldy. Ol Qyrǵyz Respýblıkasy Qylmystyq kodeksiniń 343-baby «para alý» boıynsha quryqtalyp, Talas qalalyq ІІB ýaqytsha ustaý ızolıatoryna qamaldy.

Qazirgi ýaqytta basqa da qylmystyq jaýapkershilikke tartý boıynsha jedel-izdestirý sharalary júrgizilip jatyr.

Bul jemqorlyq úshin jaza kúsheıtiletin zańnama qabyldanǵannan keıin jańa jylda alǵash ret oryn alyp otyr.

2024 jyldyń 31 jeltoqsanynda Qyrǵyz Respýblıkasynyń Prezıdenti Sadyr Japarov 2024 jylǵy 25 jeltoqsanda Jogorký Kenesh qabyldaǵan «Qyrǵyz Respýblıkasynyń keıbir zańnamalyq aktilerine sybaılas jemqorlyqqa qarsy kúres salasyndaǵy ózgerister men tolyqtyrýlar engizý týraly» Zańyna qol qoıdy.

Zań eldiń joǵary basshylyǵynyń memlekettik organdardaǵy sybaılas jemqorlyqty joıý jónindegi ishki saıasatyn iske asyrý sheńberinde ázirlendi.

Ol sybaılas jemqorlyq jáne basqa da qylmystardyń aldyn alý boıynsha pármendi sharalar qurýǵa, sondaı-aq osyndaı qylmystardy jasaýǵa kináli dep tanylǵan jáne memlekettik, mýnıtsıpaldyq qyzmetke qaıta ornalasqysy keletin tulǵalarǵa jazany kúsheıtýge jáne shekteýler belgileýge baǵyttalǵan.

Buǵan deıin Qyrǵyzstanda jemqorlyqqa qarsy jaza kúsheıtilgenin jazǵanbyz.