Qyrǵyzstannyń qansha qaryzy bar ekeni belgili boldy

<p>BІShKEK. KAZINFORM &ndash; &laquo;Eldık&raquo; depýtattyq toby men &laquo;Alıans&raquo; fraktsııasynyń otyrysynda Qyrǵyz eliniń Qarjy mınıstri Almaz Baketaev memlekettik qaryzdyń kólemin atady. Bul týraly <a href="https://24.kg/vlast/307919_ministr_finansov_ozvuchil_razmer_gosudarstvennogo_dolga_kyirgyizstana/" target="_blank" rel="noopener">24.kg </a>jazdy.</p>

Mınıstrdiń aıtýynsha, memlekettik qaryzdyń jalpy kólemi 6,5 mlrd dollardy quraıdy, onyń shamamen 4,5 mlrd dollary syrtqy qaryz, qalǵany ishki qaryz.

Onyń aıtýynsha, Qarjy mınıstrligi memleket ishki nesıeni jylyna orta eseppen 12-14 paıyz, al syrtqy nesıeni 2 paıyzben alady. Al joǵary mólsherlememen alynatyn ishki nesıelerge kóshýdi mınıstr syrtqy qaryzdyń shetel valıýtasynda beriletinimen, baǵamy ózgermeli jáne aıtarlyqtaı ósýi múmkin ekendigimen túsindirdi.

– Aıyrbastaý baǵamy men paıyzdyq mólsherlemeni birge alsaq, syrtqy qaryzdar boıynsha kóbirek tóleıtin bolyp shyǵýy múmkin. Qaryzdy óteý úshin valıýta satyp alamyz. Sosyn shetelge jiberemiz, bul aqsha basqa eldiń ekonomıkasyna jumys isteıdi. Al ishki nesıelerdi alǵan kezde biz ózimizdiń sýbektilerge: bankterge, áleýmettik qorǵa jáne t.b. tóleımiz, – dep túsindirdi mınıstr.

Aıta keteıik, Qyrǵyzstanda temekini syrttan ákelýge ýaqytsha tyıym salynady.