Qyrǵyzstannyń 50 keden qyzmetkeri Kamshy Kólbaevpen baılanysy úshin jumystan shyǵaryldy

<p>Qyrǵyzstanda memlekettik keden qyzmetiniń 50-ge jýyq qyzmetkeri marqum bolǵan qylmys áleminiń serkesi Qamshy Kólbaevpen tyǵyz baılanysta bolǵany úshin jumystan shyǵaryldy.</p>

Kazinform agenttiginiń tilshisi bul týraly Qyrǵyz Respýblıkasy Ulttyq qaýipsizdik memlekettik komıtetiniń baspasóz qyzmetine silteme jasap habarlaıdy.

Vedomstvonyń habarlaýynsha, «zańdaǵy ury» Q.Kólbaevtyń kimdermen jaqyn baılanysta bolǵanyn anyqtaý boıynsha júrgizilip jatqan josparly is-sharalar barysynda Qyrǵyz Respýblıkasy Qarjy mınıstrligine qarasty Memlekettik keden qyzmetiniń ishki vedomstvolyq buıryqtardy buzǵan jekelegen laýazymdy tulǵalary anyqtaldy.

Qyrǵyz Respýblıkasy Qarjy mınıstrligine qarasty Memlekettik keden qyzmetiniń 50-ge jýyq qyzmetkeri atyshýly qylmys áleminiń serkesi Q.Kólbaev jáne Memlekettik keden qyzmeti tóraǵasynyń burynǵy orynbasary Raıymbek Matraımovpen jaqyn qarym-qatynasta bolǵany úshin qyzmetinen bosatyldy.

Qyrǵyz Respýblıkasynyń Ulttyq qaýipsizdik memlekettik komıteti memlekettik organdar men vedomstvolardaǵy alaqol qyzmetkerlerdi anyqtaý jáne jolyn kesý boıynsha jumysty jalǵastyrady. Qazirgi ýaqytta joǵaryda atalǵan quqyqbuzýshylyqtarǵa qatysy bar basqa qyzmetkerlerdi anyqtaý jumystary júrgizilýde.

Osyǵan deıin Bishkekte arnaıy operatsııa kezinde Qamshy Kólbaevtyń qaza tapqanyn jazǵan edik.