Qyrǵyzstannan kelgen gýmanıtarlyq kómek Aqtóbege jetkizildi

<p>ASTANA. KAZINFORM &ndash; Qyrǵyzstan Respýblıkasynan kelgen gýmanıtarlyq kómekti Tótenshe jaǵdaılar mınıstrliginiń ókilderi kútip aldy. Bul týraly Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash málim etti.</p>

«8 sáýirde Aqtóbe oblysyna Qyrǵyzstan Respýblıkasynan gýmanıtarlyq kómek keldi. Ony Tótenshe jaǵdaılar mınıstrliginiń ókilderi kútip aldy. Vıtse-mınıstr Serik Tólenbergenov pen Qyrǵyzstan Respýblıkasynyń Tótenshe jaǵdaılar mınıstriniń orynbasary Ýrmatbek Shamyrkanovpen kezdesti», - dedi Erasyl Saıpash Ortalyq kommýnıkatsııalar qyzmeti alańynda ótken baspasóz máslıhatynda.

Eske sala ketsek, sý tasqynynyń zardabyna baılanysty Qyrǵyzstan Qazaqstanǵa 300 tonna gýmanıtarlyq kómek jibergen edi.

Memleket basshysy baýyrlas Qyrǵyzstan halqyna gýmanıtarlyq kómegi úshin alǵys aıtty.