Qyrǵyzstanǵa 80 mln rýbl alyp ótpek bolǵan ózbekstandyq ustaldy

<p>TAShKENT. KAZINFORM - Ózbekstan Memlekettik qaýipsizdik qyzmetiniń (MQQ) mamandary Qyrǵyzstanǵa 80 mln rýbl (909 myń dollar) alyp ótpek bolǵan Namanǵan oblysynyń turǵynyn ustady.</p>

Memlekettik qaýipsizdik qyzmetinen málimdegendeı, 1990 jyly týǵan azamat Lacetti markaly kóligimen shekaraǵa qaraı bet alǵan. MQQ mamandary ony Qyrǵyzstannyń Jalal-Abad oblysy Alı-Býkın aýdanymen shektesetin Namanǵan oblysyndaǵy ıAngıqorǵan eldi mekeninde toqtatyp, kóligin teksergen.

Onyń barysynda salonnan 3 polıetılen paketke oralǵan 79,99 mln rýbl (909 500 dollar) tabyldy. Ustalǵan kýrer shekara arqyly aqsha ótkizip bergeni úshin 300 dollar aqy almaq bolǵan.

Onyń úsitnen ÓR Qylmystyq kodeksiniń «Asa iri mólsherde keden zańnamasyn buzýǵa daıyndalý» baby boıynsha qylmystyq is qozǵaldy. Qazir kúdiktige qatysty qamaýǵa alý túrindegi bultartpaý sharasy qoldanyldy.