Qyrǵyzstandyq kókparshylar qarsylasyn oısyrata utty

<p>ASTANA. KAZINFORM &ndash; Astanada ótip jatqan&nbsp; V Dúnıejúzilik kóshpendiler oıyndarynda qyrǵyzstandyq kókparshylar Mońǵolııa qurama komandasyn 16:0 esebimen oısyrata utty, dep habarlaıdy Kazinform tilshisi.</p>

Budan keıin kókpr alańyna Majarstan men Túrkııa komandasynyń oıynshylary shyqty. Nátıjesinde 1:0 esebimen túrkııalyq kókparshylar kelesi aınalymǵa ótti.

Aıta keteıik, QR kókpar qurama komandasynyń kapıtany Turǵanbek Qurmanbek qyrǵyzstandyq kókparshylar bizdiń oıyshylardyń basty qarsylasy ekenin aıtqan bolatyn. Dúnıejúzilik kóshpendiler oıyndaryna baq synaýǵa kelgen kókparshylar «Qazanat» ıppodromynda irikteý jarystaryn ótkizip jatyr. 

Foto: Rızabek Núsipbekuly/Kazinform

Buǵan deıin, qazaqstandyq shabandozdar 16:0 esebimen Ózbekstan qurama komandasyn utqan edi.

Kókpardan 9 memlekettiń sportshylary ózara myqtyny anyqtaıdy. Bul sport túrinen barlyǵy 104 sportshy qatysady. 

Foto: Rızabek Núsipbekuly/Kazinform

Kókpardan baq synaıtyn quramalar: Qazaqstan, AQSh, Reseı, Ózbekstan, Qyrǵyzstan, Vengrııa, Qytaı, Mońǵolııa jáne Túrkııa.