Qyrǵyzstandyq fýtbolshy ýkraınalyq oıynshyny uryp, jaǵyn syndyrdy

<p>BІShKEK. KAZINFORM &ndash; Qyrǵyzstan quramasynyń oıynshysy Mırbek Ahmatalıev Jalalabadtyń &laquo;Mýras ıÝnaıted&raquo; komandasyndaǵy ýkraınalyq oıynshymen tóbeleskeni úshin 5 jylǵa sporttan shettetildi. Bul týraly <a href="https://sport.akipress.org/news:2154201/" target="_blank" rel="noopener">AKIpress </a>Qyrǵyzstan fýtbol odaǵyna silteme jasap habarlady.</p>

Aǵymdaǵy jyldyń 15 tamyzynda Bishkektegi «Selmash» stadıonynda «Mýras ıÝnaıted» komandasynyń jattyǵýy kezinde oıynshylarǵa qatysty oqıǵa oryn alǵany atap ótildi. ıAǵnı, oqý-jattyǵý jıyny kezinde Ahmatalıev klýbtyń legıoner oıynshysy Evgenıı Tertsıdi uryp, jaǵyn syndyrǵan.

Osydan keıin klýb Mırbek Ahmatalıevpen kelisimshartty buzý týraly sheshim qabyldady.

Osyǵan baılanysty ol 5 jylǵa deıin fýtboldan shettetildi.

– Oqıǵada klýbtyń sheteldik oıynshysy, jartylaı qorǵaýshy Evgenıı Tertsı jaraqat alyp, jaq súıegi synǵan. Oqıǵaǵa sebepker bolǵan oıynshy Mırbek Ahmatalıevpen klýbtyń eńbek qatynastaryn toqtatý týraly sheshim qabyldandy, – delingen habarlamada.

Sonymen qatar, oqıǵadan keıin klýbtyń bapkerler shtaby men sport dırektory da jumystan bosatyldy.

Aıta keteıik, 30 jastaǵy Mırbek Ahmatalıev Qyrǵyzstan quramasy sapynda 2016 jyly debıýt jasap, odan keıin komanda sapynda 4 oıyn ótkizgen.

Buǵan deıin Ronaldý «Ál-Nasr» klýbyna Zıdandy bas bapker etýdi suraǵanyn jazǵan edik.