Qyrǵyzstandaǵy joıqyn sel kezinde iz-tússiz joǵalǵan taǵy eki qazaqstandyq balanyń denesi tabyldy

<p>ASTANA. KAZINFORM &mdash; Qyrǵyzstandaǵy sel kezinde joǵalǵan qazaqstandyq eki azamattyń denesi tabyldy. Bul týraly Qyrǵyzstan TJM jedel shtaby málim etti.&nbsp;</p>

Qazirgi tańda eki eldiń bılik ókilderiniń birlesýimen shuǵyl túrde qujattar rásimdelip, barlyq tıisti sharalar atqarylyp jatyr. 

Qazaqstandyq dıplomattar qaıtys bolǵandardyń týystaryna barynsha qoldaý bildirip, kómektesip jatyr. 

Jaqyn arada QR TJM arnaıy bortymen qaıtys bolǵan 4 balanyń denesi otanyna jetkizilmekshi. 

Esterińizge sala keteıik, buǵan deıin Qyrǵyzstanda alapat selden bes adam qaza tapqanyn jazǵan bolatynbyz.

Artynsha joıqyn sel tasqynynan qazaqstandyq balalar kóz jumǵany belgili bolǵan edi.