Qyrǵyzstanda jýrnalısterdiń úıi men jumys ornyn tintý jalǵasyp jatyr

<p>Polıtsııa qyzmetkerleri ınternet keńistigine jasalǵan monıtorıng barysynda &laquo;Aıt Aıt Dese&raquo; jáne &laquo;Temırov Live&raquo; paraqshalarynan jappaı tártipsizdikterge shaqyratyn aqparatty anyqtady, dep habarlaıdy Kazinform Qyrǵyzstan Respýblıkasy ІІM baspasóz qyzmetine silteme jasap.</p>

Tergeý qyzmeti tarapynan jan-jaqty tekserý júrgizý maqsatynda atalǵan derek Qyrǵyz Respýblıkasy Іshki ister mınıstrliginiń biryńǵaı reestrine tirkelip, sot-lıngvıstıkalyq saraptama taǵaıyndaldy.

12 qańtardaǵy saraptama qorytyndysy boıynsha «Aıt Aıt dese» jáne «Temırov Live» paraqshalaranyda jarııalanǵan materıaldarda narazylyq pen tártipsizdikke shaqyrý belgileri bar ekeni anyqtaldy.

QR ІІM jedel-izdestirý qyzmeti tıisti tergeý amaldaryn júrgizip, QR QK 278-bap 3-bólimi boıynsha qylmystyq is qozǵaldy.

Qazirgi ýaqytta Qyrǵyz Respýblıkasy Іshki ister mınıstrliginiń jedel qyzmetteri birneshe mekenjaıda jedel-izdestirý sharalaryn júrgizip jatyr.

Esterińizge sala keteıik, Qyrǵyz Respýblıkasynyń Ulttyq qaýipsizdik komıteti soǵys nasıhattaý boıynsha qozǵalǵan qylmystyq is aıasynda Bishkektegi 24.kg aqparat agenttiginiń keńsesine tintý júrgizýdi bastaǵany habarlanǵan bolatyn.

Qyrǵyzstan prezıdenti Sadyr Japarov «Kabar» agenttigine bergen suhbatynda elde bılikti kúshpen aýystyrýǵa negiz joq ekenin aıtty.