Qyrǵyzstanda JRVI juqtyrǵandar sany artty

<p>Qyrǵyzstanda turǵyndar arasynda JRVI-men syrtqattanǵan sany artyp jatyr, olardyń kóbi 14 jasqa deıingi balalar, dep habarlaıdy, <a href="https://kaz.inform.kz/" target="_blank" rel="noopener">Kazinform </a>agenttiginiń menshikti tilshisi.&nbsp;</p>

Aýrýlardyń aldyn alý jáne memlekettik epıdemııalyq baqylaý departamentiniń deregi boıynsha, 20-26 qarasha aralaǵynda respýblıkada JRVI juqtyrǵan 5050 adam tirkelse, Bishkekte 4 adam COVID-19 juqtyrǵany anyqtaldy. Aldyńǵy aptamen salystyrǵanda aýrý 13,1%-ǵa artqany baıqalady. Vırýs juqtyrǵandardyń 65%-y – 14 jasqa deıingi balalar.

Aýa temperatýrasy tómendegendikten, tumaýǵa jatpaıtyn vırýstyq ınfektsııalar, onyń ishinde paratumaý, adenovırýstar, respıratorlyq-sıntıtsıaldyq vırýs, rınovırýs juqtyrǵandar sany artqan.

Respıratorlyq ınfektsııalardyń aldyn alý eki túrge – arnaıy, ıaǵnı vaktsınalaý jáne arnaıy emes bolyp bólinedi.

Aýrýdyń aldyn alý jáne memlekettik epıdemııalyq baqylaý departamenti tumaýǵa qarsy 87110 adam ekpe alǵanyn málim etti.