Qyrǵyzstanda jergilikti keńes depýtattarynyń saılaýy ótti

<p>ASTANA.KAZINFORM - Qyrǵyzstanda 33 qalalyq jáne 231 aýyldyq keńes depýtattarynyń saılaýy ótti, dep habarlaıdy Kazinform-nyń <a href="https://www.inform.kz/ru/v-kirgizstane-proshli-vibori-deputatov-mestnih-keneshey-1d2bfd" target="_blank" rel="noopener">menshikti tilshisi.</a></p>

Qyrǵyzstan boıynsha 2437 saılaý ýchaskesinde daýys berildi. Saılaýǵa barlyǵy 4,1 mıllıonnan astam saılaýshy qatysty. 9 myńnan astam azamat qashyqtan daýys berýge nıet bildirdi, respýblıka boıynsha alǵash ret qashyqtan daýys beretin 10 saılaý ýchaskesi ashyldy.

Qyrǵyzstandyqtar 33 qalalyq keńeske 993 depýtat, 231 aýyldyq keńeske 5391 depýtat saılady. Qalalyq máslıhat depýtattaryn saılaýǵa qatysqan 39 saıası partııa 4822 kandıdatty usyndy.

Qyrńyz ortalyq saılaý komıssııasynyń aldyn ala málimeti boıynsha, 17 qarashada jergilikti ýaqyt boıynsha saǵat 20:00–degi jaǵdaı boıynsha saılaýshylardyń 27,83 paıyzy daýys berdi. Saılaýshylar tizimine engizilgen 4 mıllıon 135 myń 39 azamattyń 1 mıllıon 150 myń 931-i daýys berdi. Qalalyq keńesterge saılaýda 392 844 adam (24,25%) daýys berdi. Aýyldyq keńester saılaýyna saılaýshylardyń 30,15 paıyzy qatysyp, daýys berýge 758 087 azamat qatysty.

Saılaýǵa deıin eki kún buryn jergilikti depýtattar saılaýynda saılaýshylar daýysyn satyp aldy degen kúdikpen «Sotsıal-demokrattar» partııasynyń basshysy men músheleri ustalyp, qamaýǵa alyndy. QK 196-babynyń 1-bóligi boıynsha qylmystyq is qozǵaldy.

Sońǵy qorytyndy bıýlletenderdi qolmen sanap, barlyq shaǵymdar qaralǵannan keıin usynylady.