Qyrǵyzstanda jalǵan aqsha jasaýshylar ustaldy

<p>ASTANA.KAZINFORM - Qyrǵyz Respýblıkasynyń Ulttyq qaýipsizdik memlekettik komıteti jalǵan aqsha jasaýshylardy ustady.</p>

Arnaıy qyzmettiń habarlaýynsha, Qyrǵyzstan azamattarynyń jalǵan shetel valıýtasynyń banknottaryn taratý faktisi anyqtalǵan.

Qyrǵyzstandyq eki azamat jalǵan aqsha satyp, qolaıly jaǵdaı jasaý maqsatynda eski kólikterdi satyp alý-satý bıznesin uıymdastyrǵany anyqtaldy. Olar tranzaktsııalardy jasaǵan kezde jalǵan shetel valıýtasynyń banknottarymen tólegen. 

Foto: Qyrǵyz Respýblıkasynyń Ulttyq qaýipsizdik memlekettik komıteti

13 qańtarda olardyń turǵylyqty jerinde tintý júrgizilip, iri kólemdegi shetel jáne ulttyq valıýtadaǵy banknottar tárkilendi. Banknottar sot-medıtsınalyq saraptamaǵa jiberildi. 

Kúdiktiler ustalyp, Qyrǵyz Respýblıkasy Ulttyq qaýipsizdik memlekettik komıtetiniń ýaqytsha ustaý ızolıatoryna qamaldy. 

Buǵan deıin Interpoldyń izdeýinde júrgen Qyrǵyz Respýblıkasy prezıdentiniń burynǵy kómekshisi Moldovada ustalǵany habarlanǵan bolatyn.