Qyrǵyzstanda V Dúnıejúzilik kóshpendiler oıyndaryna arnalǵan «At chabysh» monetasy shyǵaryldy

<p>ASTANA. KAZINFORM - 1 tamyzdan bastap Qyrǵyzstan Ulttyq banki 2024 jylǵy 8-14 qyrkúıek aralyǵynda ótetin V Dúnıejúzilik kóshpendiler oıyndaryna arnalǵan &laquo;Dúnıejúzilik kóshpendiler oıyndary&raquo; serııasynyń &laquo;At Chabysh&raquo; kúmis kollektsııalyq monetasyn aınalymǵa shyǵarady.</p>

«At chabysh» – uzaq qashyqtyqqa at jarystyratyn qyrǵyzdardyń ejelgi jáne tanymal sport túri.

Monetanyń aldyńǵy jaǵynda ıppodrom fonynda atqa mingen eki shabandoz beınelengen. Monetanyń joǵarǵy jaǵynda Dúnıejúzilik kóshpendiler oıyndarynyń emblemasy jáne «At chabysh / at Chabysh» monetasynyń ataýy jazylǵan jazba, sondaı-aq 10 som monetanyń nomınaly kórsetilgen. 

Foto: QR Ulttyq banki

«At chabysh» kollektsııalyq monetasy Qyrǵyz Respýblıkasynyń aýmaǵynda resmı tólem quraly mártebesine ıe.

Esterińizge sala keteıik, Ulttyq sport túrleri boıynsha álemdegi eń iri jarystar 8-14 qyrkúıek aralyǵynda Astanada ótedi. Qazaqstan astanasy elimizdiń jáne álemniń ár elinen 100 myńǵa jýyq týrıstti qabyldaýǵa daıyndalyp jatyr.

Buǵan deıin V Dúnıejúzilik kóshpendiler oıyndarynda júldelerdiń jalpy somasy 253 mln teńge ekeni habarlanǵan bolatyn.