Qyrǵyzstanda uıymdasqan qylmystyq toptar bolmaıdy - Qyrǵyz Respýblıkasynyń UQK

<p>ASTANA. KAZINFORM &ndash; Qyrǵyzstanda uıymdasqan qylmystyq toptar (UQT) bolmaıdy. Bul týraly búgin tilshilerdiń saýaldaryna jaýap bergen Qyrǵyzstan memlekettik ulttyq qaýipsizdik komıtetiniń basshysy Qamshybek Tashıev habarlady, dep jazdy <a href="https://kabar.kg/news/v-kyrgyzstane-opg-ne-budet-kamchybek-tashiev/" target="_blank" rel="noopener">Kabar</a> aqparat agenttigi.</p>

Onyń aıtýynsha, budan bylaı birde-bir sheneýnik, qaraqshy ne qylmys áleminiń belsendisi halyqtan jerdi tartyp ala almaıdy.

«Olar muny istep kórsin. Buǵan deıin de aıtqan edim – Qyrǵyzstanda uıymdasqan qylmystyq top bolmaıdy. Olar joq. Eger kimde-kim, qaı jerde uıymdasqan qylmystyq topty kórse nemese ol týraly bilse, bizge habarlaýyńyzdy suraımyz», - dedi Tashıev.

Jemqorlarǵa qatysty sóılegen sózinde ol olardyń kópshiligi zańsyz alǵandaryn óz erkimen qaıtaratynyn ne temir tordyń ar jaǵyna qamalatynyn atap ótti.