Qyrǵyzstanda úkimet basshysyn synaǵany úshin ınternet-basylymnyń jumysy toqtatyldy

<p>Qyrǵyzstannyń mádenıet, aqparat, sport jáne jastar saıasaty mınıstrligi Nazarnews.org saıtyn eki aıǵa buǵattaý týraly sheshim qabyldady. Mundaı sheshim qabyldaýǵa Mınıstrler kabınetiniń tóraǵasy Aqylbek Japarovqa qatysty rastalmaǵan aqparat taratý máselesi sebep bolyp otyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń tilshisi jergilikti buqaralyq aqparat quraldaryna silteme jasap.</p>

Internet-keńistikti monıtorıngileý barysynda Nazarnews.org saıtynda jarııalanǵan materıaldy baǵalaǵan vedomstvo ókilderi maqalanyń Mınıstrler kabınetiniń tóraǵasy Aqylbek Japarovtyń ar-ujdany men iskerlik bedeline nuqsan keltirdi dep sheshken.

Mınıstrlik ókilderi «Rastalmaǵan aqparattan qorǵaý týraly» QR zańyna súıene otyryp, ınternet-basylym ókilderinen materıaldy alyp tastaý qajettigin eskertken. Redaktsııa ókilderi bul talapty oryndamaǵan. Osyǵan baılanysty vedomstvo ókilderi Tsıfrlyq damý mınıstrligi janyndaǵy baılanys salasyn qadaǵalaý men retteý qyzmetine materıaldy májbúrli túrde aldyrtyp, ınternet-basylymnyń jumysyn eki aıǵa toqtatý týraly sheshim jibergen.

Aıta keteıik, Qyrǵyzstanda 2021 jyldan beri «Rastalmaǵan aqparattan qorǵaý týraly» zań bar. Atalmysh zań qabyldanǵaly beri Respublika, «Azattyq» radıosy, Kloop.kg, sııaqty birqatar aqparat quralynyń jumysy toqtatyldy.