Qyrǵyzstanda Toqtaǵul qalasynyń meri ken ornyn basyp alý áreketin uıymdastyrǵany úshin ustaldy

<p>Ken ornyn reıderlik jolmen basyp alýdy uıymdastyrǵany jáne ony zańsyz paıdalanǵany úshin, sondaı-aq uıymdasqan qylmystyq toppen (UQT) baılanysy úshin Toqtaǵul qalasynyń meri ustaldy, dep málim etti Qyrǵyz Respýblıkasy Ulttyq qaýipsizdik memlekettik komıtetiniń (UQMK) baspasóz qyzmeti.</p>

Kazinform bul týraly Qyrǵyzstannyń Kabar agenttigine silteme jasap habarlaıdy.

QR UQMK memlekettik organ qyzmetkerleriniń uıymdasqan qylmystyq toppen baılanysyn anyqtaý nemese aldyn alý maqsatynda jumystar júrgizip, Jalal-Abad oblysy Toqtaǵul aýdany aýmaǵyndaǵy kvarts ken ornyn Toqtaǵul meri «T.E.A.» UQT múshelerimen birlesip basyp alǵanyn anyqtady.

2022 jyly joǵarydaǵy ken orny ornalasqan aıyl-okmot basshysy bolyp turǵan kezde «T.E.A.» ken orny basshysyna ortaq tabysqa kenelip, kvartsty óz paıdasyna asyrýdy usynǵan. Oǵan kelisim ala almaǵandyqtan, «T.E.A.» belgisiz adamdardy, onyń ishinde ózin Toqtaǵul qalasyn «baqylaýshy» (Ch.Jýmagýlov UQT atynan) «Doo Chyngyz» laqap atymen tanystyrǵan «I.B.A.» arqyly qalaǵanyna qol jetkizýge tyrysqan. Olar fızıkalyq kúsh qoldanyp, otbasy múshelerine qaýip tónedi dep qorqytyp, jeke kásipkerdi kásiporynnyń 50% úlesin ózine berýge májbúrlegen jáne ony uly «T.E.A» atyna tirkegen.

Ary qaraı osy ken ornynda zańsyz kvarts óndirisin jáne aınalymyn júrgizgen. Odan túsken tabysty Toqtaǵul qalasynyń meri UQT múshesimen birlesip alyp otyrǵan. Oǵan qosa óndiris kezinde ekologııalyq jáne tehnıkalyq talaptar buzylyp, memleketke 74 mln som shyǵyn keldi.

Jedel-tergeý amaldary júrgizilip, Toqtaǵul qalasynyń meri, onyń uly «E.ý.A.» men UQT múshesi «I.B.A.» ustalyp, Jalal-Abad oblysyndaǵy tergeý ızolıatoryna qamaldy. Tergeý júrip jatyr.