Qyrǵyzstanda tyńaıtqyshtardy eksporttaýǵa tyıym salynýy múmkin

<p>ASTANA.KAZINFORM - Mundaı sheshimge mıneraldy tyńaıtqyshtardyń strategııalyq qoryn qurý jáne eldiń azyq-túlik qaýipsizdigin joǵary deńgeıde saqtaý qajettigi túrtki boldy.</p>

Qyrǵyz Respýblıkasynyń Sý resýrstary, aýyl sharýashylyǵy jáne óńdeý ónerkásibi mınıstrligi EAEO kedendik aýmaǵynan tys elden mıneraldy tyńaıtqyshtar áketýge ýaqytsha tyıym salýdy engizý týraly mınıstrler kabıneti qaýlysynyń jobasyn qoǵamdyq talqylaýǵa shyǵardy.

Qyrǵyzstannyń mıneraldy tyńaıtqyshtarǵa degen jyldyq qajettiligi 286,7 myń tonnany quraıdy. Elge tyńaıtqyshtyń negizgi jetkizýshisi Ózbekstan, odan jylyna 100 myń tonna jetkiziledi, onyń 60 myń tonnasy kóktemgi-jazǵy jumys maýsymyna jáne 40 myń tonnasy kúzgi-qysqy kezeńge tıesili.

Sonymen qatar, eldiń ońtústik óńirlerinde kóktemgi dala jumystary bastalǵanda basqa elderge qaıta eksporttalatyn tyńaıtqyshtardyń tapshylyǵy týyndaıdy.

Qyrǵyzstan memlekettik tirkeýsiz dinı nekege tyıym salmaqshy.